. *D GROUP*
पढे़ लिखे बालकां गेल,
के करा सरकार तन्नै
डी ग्रुप के नाम पै,
लुट लिए बेरोजगार तन्नै
पेपर बणाणिया नै
पूरा चाला पाड़ बगाया रै,
कोचिंग सैंटर आला का
एक प्रश्न ना आया रै,
लुवा दिए तन्नै भाडे़,
भर लिए भंडार तन्नैं
डी ग्रुप के नाम पै,
लुट लिए बेरोजगार तन्नै
एम.ए आले बालकां का,
धूमा सा ठाया सै,
मन्नै सुणी सै डी ग्रुप पेपर,
रांडा नैं बणाया सै,
पूरे स्वस्थ बालक म्हारे
कर दिए बीमार तन्नै,
डी ग्रुप के नाम पै,
लुट लिए बेरोजगार तन्नै
चूड़ी, बाली, छूमकी,
डोरे, टंगवा लिए गैट पै,
खाके पिसे बेरोजगारां के,
लात मारी पेट पै,
के भले भरगा तू,
कर दिए षर्मसार तन्नै,
डी ग्रुप के नाम पै,
लुट लिए बेरोजगार तन्नै
डी ग्रुप पैं हाईकोर्ट म्हं
फेर केस लगाणा होगा,
जितने पिसे म्हारे लागरे,
तन्नै पाई-पाई चुकाणा होगा,
टक्कर म्हं पूरा हरियाणा होगा,
दयांगे करारी हार तन्नै
डी ग्रुप के नाम पै,
लुट लिए बेरोजगार तन्नै
Vipin_kumar_99
👊★ *इंकलाब-जिंदाबाद★*👊
Comments